Պարգեւներ, Աւանղներ եւ Նուիրատուութիւններ
Հիմնադրամին մասնակցութիւնը դիւրացնելու համար, ԳՀ-ն, հաւանական նուիրատուներուն կու տայ զանազան այլընտրանքներ՝ մասնակցելու մայր ֆոնտի մը կամ հաստատելու առանձին ընտանեկան ֆոնտեր կամ աւանդներ, ըստ նուիրատուներու նախասիրութեան, նպատակներուն կամ նիւթական պայմաններուն։
Պարգեւներ հաստատելու համար նուիրատուն կրնայ մասնակցիլ նուիրելով կանխիկ գումար, բաժնեթուղթեր եւ կամ որեւէ կալուած:
Հետեւեալը ամփոփ նկարագրական մըն է պարգեւի եւ կամ աւանդի ձեւով ֆոնտեր հաստատելու պայմաններուն եւ պետական տուրքերէն օգտուելու մասին։
1. Պարզ նուիրատուութիւններ, (1000 տոլարէ նուազ)
Նուիրատուն կը ստանայ տուրքէ զերծ մնալու ստացագիր, նուիրատուութեան գումարին համարժէք։ Նուիրուած գումարը կը յատկացուի պատշաճ նպատակներու, ԳՀ-ի Խնամակալ մարմնին հայեցողութեամբ։
2. Պարգեւներ, (1000 տոլար եւ աւելի)
Նուիրատուութիւնը կրնայ ներառուիլ գոյութիւն ունեցող ֆոնտերէն մէկուն մէջ, նուիրատուի գրաւոր համաձայնութեամբ։ Նուիրատուն կը ստանայ տուրքէ զերծ մնալու ստացագիր ։ Նուիրատուութեան դրամագլուխը կը պահպանուի եւ շահարկման հասոյթը կը յատկացուի ճշդուած ֆոնտին նպատակներուն։
3. Ընտանեկան Պարգեւներ,(25,000 տոլարէ աւելի)
Նուիրատուութիւնը կրնայ ներառուիլ գոյութիւն ունեցող ֆոնտերէն մէկուն մէջ, նուիրատուի գրաւոր համաձայնութեամբ։ Նուիրատուն կը ստանայ տուրքէ զերծ մնալու ստացագիր նուիրատուութեան գումարին համարժէք։ Նուիրատուութեան դրամագլուխը կը պահպանուի եւ շահարկման հասոյթը կը յատկացուի ճշդուած ֆոնտի նպատակներուն, կամ ֆոնտի մարմնին հետ համաձայնաբար, նուիրատուն կրնայ ճշդել որ շահարկման հասոյթը յատկացուի ԳՀ-ի նպատակներուն հետ համընկնող այլ նպատակի մը։ Նուիրատուութիւնը կ'արձանագրուի ԳՀ-ի տարեկան տեղեկագրին մէջ նուիրատուի ընտանիքին անունով, որպէս ընտանեկան պարգեւ։
4. Առանձնապէս կառավարուած Պարգեւներ, (50,000 տոլար կամ աւելի)
ֆոնտը կը ստանայ ընտանեկան որակում վերեւ նկարագրուած պայմաններով, սակայն, նուիրատուն կրնայ խնդրել ֆոնտին անկախ տնօրինումը, սահմանելով շահարկման ձեւը։ Սահմանումները պէտք է ընդունելի ըլլան ԳՀ-ի խնամակալ Մարմնին։
5. Աւանդներ, (նուազագոյնը 50,000 տոլար)
Աւանդ մը կարելի է հաստատել անհատի մը կամ կազմակերպութեան մը նախաձեռնութեամբ։ ներդրողը ԳՀ-ին կը փոխանցէ գումար մը կամ կալուած մը, որ կը շահարկուի Խնամակալ Մարմնի կողմէ։
Աւանդի դրամագլուխին օրինական տէրը կը մնայ ներդրողը, եւ կրնայ իրեն վերադարձուիլ իր փափաքով, յարգելով իր եւ ԳՀ-ի միջեւ համաձայնուած պայմանները։ Ներդրողը չստանար տուրքէ զերծ մնալու ստացագիր, աւանդի տարեկան շահարկման հասոյթը կը յատկացուի ճշդուած նպատակներուն ։
Աւանդը կ՚արձանագրուի ԳՀ-ի տարեկան տեղեկագրին մէջ, որպէս ընտանեկան կամ կազմակերպութեան աւանդ։