Ինչպէս կրնաք անդամ դառնալ ԳՀ-ին
Կը հրաւիրենք ձեզ անդամակցելու ԳՀ-ին, անոր միջոցաւ նպաստելու ձեր նախասիրած նպատակներուն
Ձեր ընտանեկան ֆոնտը կարելի է հաստատել զանազան ձեւերով: Առաւելագոյն կերպով օգտուելու համար տուրքէ զերծ մնալու արտօնելի օրէնքներէն, կապ պահեցէք հիմնադրամի Խնամակալ Մարմնի անդամներէն մէկուն հետ։
Նուիրատուութիւն մը որպէսզի իրապէս ծառայէ իր նպատակին, զգացական իր իմաստէն անդին նաեւ պէտք է որ ըլլայ ծրագրուած, հետեւաբար նման որոշումներէ առաջ միշտ փափաքելի է խորհրդակցիլ հիմնադրամի Խնամակալ Մարմնի անդամներուն հետ։
Բոլոր նուիրատուներուն անունները կը հրապարակուին հիմնադրամին տարեկան տեղեկագրին մէջ, որպէս ընտանեկան ֆոնտեր, նուիրատուին մականունով։
Ֆոնտերուն դրամագլուխը միշտ կը պահպանուի, սակայն անոնց շահարկումով գոյացած հասոյթը կը տրամադրուի նուիրատուին նախասիրած կազմակերպութեան եւ կը գործածուի նուիրատուի փափաքին համաձայն։